sitamgaron ka tariq-e-jafa nahin jata

sitamgaroñ kā tarīq-e-jafā nahīñ jaatā

ki qatl karnā ho jis ko kahā nahīñ jaatā

ye kam hai kyā ki mire paas baiThā rahtā hai

vo jab talak mire dil ko dukhā nahīñ jaatā

tumheñ to shahr ke ādāb tak nahīñ aate

ziyāda kuchh yahāñ pūchhā-guchhā nahīñ jaatā

baḌe azaab meñ huuñ mujh ko jaan bhī hai aziiz

sitam ko dekh ke chup bhī rahā nahīñ jaatā

bharam sarāb-e-tamannā kā kyā khulā mujh par

ab ek gaam bhī mujh se chalā nahīñ jaatā

ajiib log haiñ dil meñ ḳhudā se munkir haiñ

magar zabān se zikr-e-ḳhudā nahīñ jaatā

uḌā ke ḳhaak bahut maiñ ne dekh lī ai 'zeb'

vahāñ talak to koī rāsta nahīñ jaatā

sitamgaron ka tariq-e-jafa nahin jata

ki qatl karna ho jis ko kaha nahin jata

ye kam hai kya ki mere pas baiTha rahta hai

wo jab talak mere dil ko dukha nahin jata

tumhein to shahr ke aadab tak nahin aate

ziyaada kuchh yahan puchha-guchha nahin jata

baDe azab mein hun mujh ko jaan bhi hai aziz

sitam ko dekh ke chup bhi raha nahin jata

bharam sarab-e-tamanna ka kya khula mujh par

ab ek gam bhi mujh se chala nahin jata

ajib log hain dil mein KHuda se munkir hain

magar zaban se zikr-e-KHuda nahin jata

uDa ke KHak bahut main ne dekh li ai 'zeb'

wahan talak to koi rasta nahin jata