subh ke shor mein namon ki farawani mein
sub.h ke shor meñ nāmoñ kī farāvānī meñ
ishq kartā huuñ isī be-sar-o-sāmānī meñ
sūrmā jis ke kināroñ se palaT aate haiñ
maiñ ne kashtī ko utārā hai usī paanī meñ
sūfiya tum se mulāqāt karūñgā ik roz
kisī sayyāre kī jaltī huī uryānī meñ
maiñ ne angūr kī beloñ meñ tujhe chuum liyā
kar diyā aur izāfa tirī hairānī meñ
kitnā pur-shor hai jismoñ kā añdherā 'sarvat'
guftugū ḳhatm huī jaatī hai jaulānī meñ
subh ke shor mein namon ki farawani mein
ishq karta hun isi be-sar-o-samani mein
surma jis ke kinaron se palaT aate hain
main ne kashti ko utara hai usi pani mein
sufiya tum se mulaqat karunga ek roz
kisi sayyare ki jalti hui uryani mein
main ne angur ki belon mein tujhe chum liya
kar diya aur izafa teri hairani mein
kitna pur-shor hai jismon ka andhera 'sarwat'
guftugu KHatm hui jati hai jaulani mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
