sukun-e-qalb o shakeb-e-nazar ki baat karo
![Sufi Ghulam Mustafa Tabassum Sufi Ghulam Mustafa Tabassum](https://rekhta.pc.cdn.bitgravity.com/Images/Shayar/round/sufi-ghulam-mustafa-tabassum.png)
sukun-e-qalb o shakeb-e-nazar ki baat karo
Sufi Ghulam Mustafa Tabassum
MORE BYSufi Ghulam Mustafa Tabassum
sukūn-e-qalb o shakeb-e-nazar kī baat karo
guzar ga.ī hai shab-e-ġham sahar kī baat karo
diloñ kā zikr hī kyā hai mileñ mileñ na mileñ
nazar milāo nazar se nazar kī baat karo
shagufta ho na sakegī fazā-e-arz-o-samā
kisī kī jalva-gah-e-bām-o-dar kī baat karo
harīm-e-nāz kī ḳhalvat meñ dastaras hai kise
nazāra-hā-e-sar-e-rah-guzar kī baat karo
badal na jaa.e kahīñ iltifāt-e-husn kā rañg
halāvat-e-nigah-e-muḳhtasar kī baat karo
jahān-e-hosh-o-ḳhirad ke muāmle haiñ darāz
kisī ke gesū-e-āshufta-sar kī baat karo
nigāh-e-nāz hai ik kā.enāt-e-rāz-o-niyāz
jidhar kare vo ishāra udhar kī baat karo
surūr-e-zīst huā jis ke dam-qadam se nasīb
usī nadīm usī ham-safar kī baat karo
vo jis se talḳhī-e-zahrāb-e-ġham gavārā hai
usī 'tabassum'-e-shīrīñ-asar kī baat karo
sukun-e-qalb o shakeb-e-nazar ki baat karo
guzar gai hai shab-e-gham sahar ki baat karo
dilon ka zikr hi kya hai milen milen na milen
nazar milao nazar se nazar ki baat karo
shagufta ho na sakegi faza-e-arz-o-sama
kisi ki jalwa-gah-e-baam-o-dar ki baat karo
harim-e-naz ki KHalwat mein dastaras hai kise
nazara-ha-e-sar-e-rah-guzar ki baat karo
badal na jae kahin iltifat-e-husn ka rang
halawat-e-nigah-e-muKHtasar ki baat karo
jahan-e-hosh-o-KHirad ke muamle hain daraaz
kisi ke gesu-e-ashufta-sar ki baat karo
nigah-e-naz hai ek kaenat-e-raaz-o-niyaz
jidhar kare wo ishaara udhar ki baat karo
surur-e-zist hua jis ke dam-qadam se nasib
usi nadim usi ham-safar ki baat karo
wo jis se talKHi-e-zahrab-e-gham gawara hai
usi 'tabassum'-e-shirin-asar ki baat karo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.