aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sukut-e-sham mein gunji sada udasi ki

Rehman Faris

sukut-e-sham mein gunji sada udasi ki

Rehman Faris

MORE BYRehman Faris

    sukūt-e-shām meñ gūñjī sadā udāsī

    ki hai mazīd udāsī davā udāsī

    bahut sharīr thā maiñ aur hañstā phirtā thā

    phir ik faqīr ne de duā udāsī

    umūr-e-dil meñ kisī tīsre daḳhl nahīñ

    yahāñ faqat tirī chaltī hai udāsī

    charāġh-e-dil ko zarā ehtiyāt se rakhnā

    ki aaj raat chalegī havā udāsī

    vo imtizāj thā aisā ki dañg thī har aañkh

    jamāl-e-yār ne pahnī qabā udāsī

    isī umiid pe āñkheñ barastī rahtī haiñ

    ki ek din to sunegā ḳhudā udāsī

    shajar ne pūchhā ki tujh meñ ye kis ḳhushbū hai

    havā-e-shām-e-alam ne kahā udāsī

    dil-e-fasurda ko maiñ ne to maar Daalā

    so maiñ to Thiik huuñ ab sunā udāsī

    zarā chhū leñ to ghanToñ dahaktī rahtī hai

    hameñ to maar ga.ī ye adā udāsī

    bahut dinoñ se maiñ us se nahīñ milā 'fāris'

    kahīñ se ḳhair-ḳhabar le ke aa udāsī

    sukut-e-sham mein gunji sada udasi ki

    ki hai mazid udasi dawa udasi ki

    bahut sharir tha main aur hansta phirta tha

    phir ek faqir ne de di dua udasi ki

    umur-e-dil mein kisi tisre ka daKHl nahin

    yahan faqat teri chalti hai ya udasi ki

    charagh-e-dil ko zara ehtiyat se rakhna

    ki aaj raat chalegi hawa udasi ki

    wo imtizaj tha aisa ki dang thi har aankh

    jamal-e-yar ne pahni qaba udasi ki

    isi umid pe aankhen barasti rahti hain

    ki ek din to sunega KHuda udasi ki

    shajar ne puchha ki tujh mein ye kis ki KHushbu hai

    hawa-e-sham-e-alam ne kaha udasi ki

    dil-e-fasurda ko main ne to mar hi Dala

    so main to Thik hun ab tu suna udasi ki

    zara sa chhu len to ghanTon dahakti rahti hai

    hamein to mar gai ye ada udasi ki

    bahut dinon se main us se nahin mila 'faris'

    kahin se KHair-KHabar le ke aa udasi ki

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now