tu agar dil-nawaz ho jae
tū agar dil-navāz ho jaa.e
soz ham-rañg-e-sāz ho jaa.e
dil jo āgāh-e-rāz ho jaa.e
har haqīqat majāz ho jaa.e
lazzat-e-ġham kā ye taqāzā hai
muddat-e-ġham darāz ho jaa.e
naġhma-e-ishq chheḌtā huuñ maiñ
zindagī nai-navāz ho jaa.e
us kī bigḌī bane na kyuuñ ai ishq
jis kā tū kārsāz ho jaa.e
husn maġhrūr hai magar tauba
ishq agar be-niyāz ho jaa.e
dard kā phir maza hai jab 'aḳhtar'
dard ḳhud chārasāz ho jaa.e
tu agar dil-nawaz ho jae
soz ham-rang-e-saz ho jae
dil jo aagah-e-raaz ho jae
har haqiqat majaz ho jae
lazzat-e-gham ka ye taqaza hai
muddat-e-gham daraaz ho jae
naghma-e-ishq chheDta hun main
zindagi nai-nawaz ho jae
us ki bigDi bane na kyun ai ishq
jis ka tu karsaz ho jae
husn maghrur hai magar tauba
ishq agar be-niyaz ho jae
dard ka phir maza hai jab 'aKHtar'
dard KHud chaarasaz ho jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
