usne dekha jo mujhe aalam-e-hairani mein
us ne dekhā jo mujhe ālam-e-hairānī meñ
gir paḌā haath se ā.īna pareshānī meñ
aa ga.e ho to barābar hī meñ ḳhema kar lo
maiñ to rahtā huuñ isī be-sar-o-sāmānī meñ
is qadar ġhaur se mat dekh bhañvar kī jānib
tū bhī chakrā ke na gir jaa.e kahīñ paanī meñ
kabhī dekhā hī nahīñ is ne pareshāñ mujh ko
maiñ ki rahtā huuñ sadā apnī nigahbānī meñ
vo mirā dost thā dushman to nahīñ thā 'faisal'
maiñ ne har baat batā dī use nādānī meñ
us ne dekha jo mujhe aalam-e-hairani mein
gir paDa hath se aaina pareshani mein
aa gae ho to barabar hi mein KHema kar lo
main to rahta hun isi be-sar-o-samani mein
is qadar ghaur se mat dekh bhanwar ki jaanib
tu bhi chakra ke na gir jae kahin pani mein
kabhi dekha hi nahin is ne pareshan mujh ko
main ki rahta hun sada apni nigahbani mein
wo mera dost tha dushman to nahin tha 'faisal'
main ne har baat bata di use nadani mein
- Book : Beesveen Sadi Ki Behtareen Ishqiya Ghazlen (Pg. 173)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
