Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wajh-e-ruswai hai ab laeq-e-mahfil hona

Khalid Yusuf

wajh-e-ruswai hai ab laeq-e-mahfil hona

Khalid Yusuf

MORE BYKhalid Yusuf

    vaj.h-e-rusvā.ī hai ab lā.eq-e-mahfil honā

    un fahrist-e-tabarrā meñ na shāmil honā

    fan da.avā hai to kuchh jur.at-e-iz.hār bhī ho

    zeb detā nahīñ fankār ko buzdil honā

    mad.h-e-gul-chīñ ho jahāñ maslak-e-murġhān-e-chaman

    ham ko manzūr nahīñ faḳhr-e-anādil honā

    apnī pahchān hai vo qarya-e-tārīk jahāñ

    munsifoñ ko bhī mayassar nahīñ aadil honā

    mere sheroñ ne use soch meñ Daalā to sahī

    nek hai dil meñ bhī razm-e-haq-o-bātil honā

    chāñd nikle to sahī baam pe kuchh shor to ho

    kuchh zarūrī to nahīñ hai mah-e-kāmil honā

    na siyāsat na ma.īshat na ba-nām-e-maz.hab

    ab gavārā nahīñ pāband-e-salāsil honā

    sāneha is se baḌā aur bhalā kyā hogā

    'ḳhālid' us shoḳh ke qabze meñ mirā dil honā

    wajh-e-ruswai hai ab laeq-e-mahfil hona

    un ki fahrist-e-tabarra mein na shamil hona

    fan ka dawa hai to kuchh jurat-e-izhaar bhi ho

    zeb deta nahin fankar ko buzdil hona

    madh-e-gul-chin ho jahan maslak-e-murghan-e-chaman

    hum ko manzur nahin faKHr-e-anadil hona

    apni pahchan hai wo qarya-e-tarik jahan

    munsifon ko bhi mayassar nahin aadil hona

    mere sheron ne use soch mein Dala to sahi

    nek hai dil mein bhi razm-e-haq-o-baatil hona

    chand nikle to sahi baam pe kuchh shor to ho

    kuchh zaruri to nahin hai mah-e-kaamil hona

    na siyasat na maishat na ba-nam-e-mazhab

    ab gawara nahin paband-e-salasil hona

    saneha is se baDa aur bhala kya hoga

    'KHalid' us shoKH ke qabze mein mera dil hona

    Source :
    • Book : Urdu Gazal ka Magribi Daricha (Pg. 309)
    • Author : Dr. Jawaz Jafri
    • Publication : Kitab Saray, Lahore (2011)
    • Edition : 2011
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now