wo mere baalon mein yun ungliyan phiraata tha

vo mere bāloñ meñ yuuñ uñgliyāñ phirātā thā

ki āsmāñ ke farishtoñ ko pyaar aatā thā

use gulāb kī pattī ne qatl kar Daalā

vo sab kī rāhoñ meñ kāñTe bahut bichhātā thā

tumhāre saath nigāhoñ kā kārobār gayā

tumhāre ba.ad nigāhoñ meñ kaun aatā thā

safar ke saath safar ke na.e masā.il the

gharoñ kā zikr to raste meñ chhūT jaatā thā

wo mere baalon mein yun ungliyan phiraata tha

ki aasman ke farishton ko pyar aata tha

use gulab ki patti ne qatl kar Dala

wo sab ki rahon mein kanTe bahut bichhata tha

tumhaare sath nigahon ka karobar gaya

tumhaare baad nigahon mein kaun aata tha

safar ke sath safar ke nae masail the

gharon ka zikr to raste mein chhuT jata tha