aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yar bhi rah ki diwar samajhte hain mujhe

Shahid Zaki

yar bhi rah ki diwar samajhte hain mujhe

Shahid Zaki

MORE BYShahid Zaki

    yaar bhī raah dīvār samajhte haiñ mujhe

    maiñ samajhtā thā mire yaar samajhte haiñ mujhe

    jaḌ ukhaḌne se jhukāo hai mirī shāḳhoñ meñ

    duur se log samar-bār samajhte haiñ mujhe

    kyā ḳhabar kal yahī tābūt mirā ban jaa.e

    aap jis taḳht haqdār samajhte haiñ mujhe

    nek logoñ meñ mujhe nek ginā jaatā hai

    aur gunahgār gunahgār samajhte haiñ mujhe

    maiñ to ḳhud bikne ko bāzār meñ aayā huā huuñ

    aur dukāñ-dār ḳharīdār samajhte haiñ mujhe

    maiñ badalte hue hālāt meñ Dhal jaatā huuñ

    dekhne vaale adākār samajhte haiñ mujhe

    vo jo us paar haiñ is paar mujhe jānte haiñ

    ye jo is paar haiñ us paar samajhte haiñ mujhe

    maiñ to yuuñ chup huuñ ki andar se bahut ḳhālī huuñ

    aur ye log pur-asrār samajhte haiñ mujhe

    raushnī bāñTtā huuñ sarhadoñ ke paar bhī maiñ

    ham-vatan is liye ġhaddār samajhte haiñ mujhe

    jurm ye hai ki in andhoñ meñ huuñ āñkhoñ vaalā

    aur sazā ye hai ki sardār samajhte haiñ mujhe

    laash tarah sar-e-āb huuñ maiñ aur 'shāhid'

    Dūbne vaale madad-gār samajhte haiñ mujhe

    yar bhi rah ki diwar samajhte hain mujhe

    main samajhta tha mere yar samajhte hain mujhe

    jaD ukhaDne se jhukao hai meri shaKHon mein

    dur se log samar-bar samajhte hain mujhe

    kya KHabar kal yahi tabut mera ban jae

    aap jis taKHt ka haqdar samajhte hain mujhe

    nek logon mein mujhe nek gina jata hai

    aur gunahgar gunahgar samajhte hain mujhe

    main to KHud bikne ko bazar mein aaya hua hun

    aur dukan-dar KHaridar samajhte hain mujhe

    main badalte hue haalat mein Dhal jata hun

    dekhne wale adakar samajhte hain mujhe

    wo jo us par hain is par mujhe jaante hain

    ye jo is par hain us par samajhte hain mujhe

    main to yun chup hun ki andar se bahut KHali hun

    aur ye log pur-asrar samajhte hain mujhe

    raushni banTta hun sarhadon ke par bhi main

    ham-watan is liye ghaddar samajhte hain mujhe

    jurm ye hai ki in andhon mein hun aankhon wala

    aur saza ye hai ki sardar samajhte hain mujhe

    lash ki tarah sar-e-ab hun main aur 'shahid'

    Dubne wale madad-gar samajhte hain mujhe

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now