yahan to phir wahi diwar-o-dar nikal aae

yahāñ to phir vahī dīvār-o-dar nikal aa.e

kidhar ko yaar chale the kidhar nikal aa.e

kahāñ kā pā-e-vafā aur kahāñ kā dasht-e-talab

ki ab to raste ka.ī muḳhtasar nikal aa.e

huā rafīq na begār-e-shauq meñ koī

maqām-e-zar pe ka.ī mo'tabar nikal aa.e

gurez karte haiñ saa.e se bhī mire ahbāb

kahīñ idhar bhī na ye āshufta-sar nikal aa.e

huā na koī bhī pursān-e-hāl zindoñ kā

mare huoñ ke ka.ī nauhagar nikal aa.e

rahe zarā dil-e-ḳhūñ-gashta par nazar 'anjum'

usī sadaf se ajab kyā guhar nikal aa.e

yahan to phir wahi diwar-o-dar nikal aae

kidhar ko yar chale the kidhar nikal aae

kahan ka pa-e-wafa aur kahan ka dasht-e-talab

ki ab to raste kai muKHtasar nikal aae

hua rafiq na begar-e-shauq mein koi

maqam-e-zar pe kai mo'tabar nikal aae

gurez karte hain sae se bhi mere ahbab

kahin idhar bhi na ye aashufta-sar nikal aae

hua na koi bhi pursan-e-haal zindon ka

mare huon ke kai nauhagar nikal aae

rahe zara dil-e-KHun-gashta par nazar 'anjum'

usi sadaf se ajab kya guhar nikal aae