ye bahaar wo hai jahan rahi asar-e-KHizan se bari rahi
ye bahār vo hai jahāñ rahī asar-e-ḳhizāñ se barī rahī
jo salīb-o-dār meñ Dhal ga.ī vahī chob-e-ḳhushk harī rahī
milī jab kabhī ḳhabar-e-jahāñ to jahāñ se be-ḳhabarī rahī
kisī aur se nahīñ kuchh gila ḳhajil apnī dīda-varī rahī
vahī ik ḳharābī-e-be-karāñ jo tire jahāñ kā nasīb hai
isī rust-o-ḳhez se aaj tak mire dil meñ be-ḳhatarī rahī
mirī zindagī kī urūs-e-nau tujhe is kī koī ḳhabar bhī hai
vo thī kis kī surḳhī-e-ḳhūn-e-dil tirī maañg meñ jo bharī rahī
koī qarya koī dayār ho kahīñ ham akele nahīñ rahe
tirī justujū meñ jahāñ ga.e vahīñ saath dar-badarī rahī
vahī aag apnā nasīb thī ki tamām umr jalā kiye
jo lagā.ī thī kabhī ishq ne vahī aag dil meñ bharī rahī
vahī ik sadāqat-e-harf thī khilī phuul ban ke jo aag meñ
vahī ik dalīl-e-hayāt thī jo gavāh-e-bā-ḳhabarī rahī
na asar fusūñ koī kar sakā na vo mere dil meñ utar sakā
koī aks hī na ubhar sakā rahā shīsha aur na parī rahī
maiñ halāk-e-lazzat-e-guftugū hī sahī magar ise kyā karūñ
jo farāz-e-dār se kī ga.ī vahī ek baat kharī rahī
hunar aaj 'ishqī'-e-be-navā kā ḳhajil hai rūh-e-'sirāj' se
vahī ik ḳhalish jo matā-e-fan thī subūt-e-be-hunarī rahī
ye bahaar wo hai jahan rahi asar-e-KHizan se bari rahi
jo salib-o-dar mein Dhal gai wahi chob-e-KHushk hari rahi
mili jab kabhi KHabar-e-jahan to jahan se be-KHabari rahi
kisi aur se nahin kuchh gila KHajil apni dida-wari rahi
wahi ek KHarabi-e-be-karan jo tere jahan ka nasib hai
isi rust-o-KHez se aaj tak mere dil mein be-KHatari rahi
meri zindagi ki urus-e-nau tujhe is ki koi KHabar bhi hai
wo thi kis ki surKHi-e-KHun-e-dil teri mang mein jo bhari rahi
koi qarya koi dayar ho kahin hum akele nahin rahe
teri justuju mein jahan gae wahin sath dar-badari rahi
wahi aag apna nasib thi ki tamam umr jala kiye
jo lagai thi kabhi ishq ne wahi aag dil mein bhari rahi
wahi ek sadaqat-e-harf thi khili phul ban ke jo aag mein
wahi ek dalil-e-hayat thi jo gawah-e-ba-KHabari rahi
na asar fusun koi kar saka na wo mere dil mein utar saka
koi aks hi na ubhar saka raha shisha aur na pari rahi
main halak-e-lazzat-e-guftugu hi sahi magar ise kya karun
jo faraaz-e-dar se ki gai wahi ek baat khari rahi
hunar aaj 'ishqi'-e-be-nawa ka KHajil hai ruh-e-'siraj' se
wahi ek KHalish jo mata-e-fan thi subut-e-be-hunari rahi
Source:
![](https://rekhta.pc.cdn.bitgravity.com/Content/Images/ebookdefault.png)
Monthly Usloob (Pg. 367)
- Author: Mushfiq Khawaja
-
- Edition: Oct. õ Nov. 1983,Issue No. 5-6
- Publisher: Usloob 3D 9—26 Nazimabad karachi 180007
- Year of Publication: Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.