ye to sach hai ki safi ki nahin niyyat achchhi
ye to sach hai ki safī' kī nahīñ niyyat achchhī
haañ magar paa.ī hai zālim ne tabī.at achchhī
kyā huā aap ne paa.ī hai jo sūrat achchhī
aadmī vo hai ki jis kī ho tabī.at achchhī
aaj vo pūchhne aa.e haiñ hamārā matlab
sun liyā thā kahīñ matlab kī mohabbat achchhī
ḳhūbsūrat hai vahī jis pe zamāna rījhe
yuuñ to har ek ko hai apnī hī sūrat achchhī
kuchh bhī ho ek tamannā to bañdhī rahtī hai
tujh se sau darja tire milne kī hasrat achchhī
nahīñ apne meñ koī chāhne vaalā terā
Daal dī Dālne vāloñ ne adāvat achchhī
koī armān nahīñ hai to faqat betābī
vasl se tere sitamgar tirī furqat achchhī
un ke aate hī badal jaate haiñ tere tevar
ai safī' chāhiye insān kī niyyat achchhī
ye to sach hai ki safi' ki nahin niyyat achchhi
han magar pai hai zalim ne tabiat achchhi
kya hua aap ne pai hai jo surat achchhi
aadmi wo hai ki jis ki ho tabiat achchhi
aaj wo puchhne aae hain hamara matlab
sun liya tha kahin matlab ki mohabbat achchhi
KHubsurat hai wahi jis pe zamana rijhe
yun to har ek ko hai apni hi surat achchhi
kuchh bhi ho ek tamanna to bandhi rahti hai
tujh se sau darja tere milne ki hasrat achchhi
nahin apne mein koi chahne wala tera
Dal di Dalne walon ne adawat achchhi
koi arman nahin hai to faqat betabi
wasl se tere sitamgar teri furqat achchhi
un ke aate hi badal jate hain tere tewar
ai safi' chahiye insan ki niyyat achchhi
- Book : Kulliyat-e-Safi (Pg. 231)
- Author : Safi Auranjabadi
- Publication : Urdu Acadami Hayderabad (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
