zaman makan the mere samne bikharte hue
zaman makan the mere samne bikharte hue
Rajinder Manchanda Bani
MORE BYRajinder Manchanda Bani
zamāñ makāñ the mire sāmne bikharte hue
maiñ Dher ho gayā tūl-e-safar se Darte hue
dikhā ke lamha-e-ḳhālī kā aks-e-lā-tafsīr
ye mujh meñ kaun hai mujh se farār karte hue
bas ek zaḳhm thā dil meñ jagah banātā huā
hazār ġham the magar bhūlte-bisarte hue
vo TūTte hue rishtoñ kā husn-e-āḳhir thā
ki chup sī lag ga.ī donoñ ko baat karte hue
ajab nazārā thā bastī kā us kināre par
sabhī bichhaḌ ga.e dariyā se paar utarte hue
maiñ ek hādsa ban kar khaḌā thā raste meñ
ajab zamāne mire sar se the guzarte hue
vahī huā ki takalluf kā husn biich meñ thā
badan the qurb-e-tahī-lams se bikharte hue
zaman makan the mere samne bikharte hue
main Dher ho gaya tul-e-safar se Darte hue
dikha ke lamha-e-KHali ka aks-e-la-tafsir
ye mujh mein kaun hai mujh se farar karte hue
bas ek zaKHm tha dil mein jagah banata hua
hazar gham the magar bhulte-bisarte hue
wo TuTte hue rishton ka husn-e-aKHir tha
ki chup si lag gai donon ko baat karte hue
ajab nazara tha basti ka us kinare par
sabhi bichhaD gae dariya se par utarte hue
main ek hadsa ban kar khaDa tha raste mein
ajab zamane mere sar se the guzarte hue
wahi hua ki takalluf ka husn bich mein tha
badan the qurb-e-tahi-lams se bikharte hue
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
