aa gaya dil jo kahin aur hi surat hogi
aa gayā dil jo kahīñ aur hī sūrat hogī
log dekheñge tamāshā jo mohabbat hogī
dil-lagī tark-e-mohabbat nahīñ taqsīr muaaf
hote hote mire qaabū meñ tabī.at hogī
un ke aane kī ḳhabar sun ke to ye haal huā
jab vo ā.eñge to phir kyā mirī hālat hogī
TukḌe kar Daale koī us ke to maiñ bhī ḳhush huuñ
dil na hogā na mirī jaan mohabbat hogī
vo chhupāyā kareñ is baat se kyā hotā hai
aap sar chaḌh ke pukāregī jo ulfat hogī
ye na farmāo shab-e-hijr kaTegī kyūñkar
tum ko kyā kaam jo hogī mirī hālat hogī
maar Daalā mujhe be-maut baḌā kaam kiyā
ḳhuub tārīf tirī ai shab-e-furqat hogī
ai dil-e-zār maza dekh liyā ulfat kā
ham na kahte the ki is kaam meñ zillat hogī
ye bhī kuchh baat hai phir vasl na ho ai 'jauhar'
rañj rāhat se huā rañj se rāhat hogī
aa gaya dil jo kahin aur hi surat hogi
log dekhenge tamasha jo mohabbat hogi
dil-lagi tark-e-mohabbat nahin taqsir muaf
hote hote mere qabu mein tabiat hogi
un ke aane ki KHabar sun ke to ye haal hua
jab wo aaenge to phir kya meri haalat hogi
TukDe kar Dale koi us ke to main bhi KHush hun
dil na hoga na meri jaan mohabbat hogi
wo chhupaya karen is baat se kya hota hai
aap sar chaDh ke pukaregi jo ulfat hogi
ye na farmao shab-e-hijr kaTegi kyunkar
tum ko kya kaam jo hogi meri haalat hogi
mar Dala mujhe be-maut baDa kaam kiya
KHub tarif teri ai shab-e-furqat hogi
ai dil-e-zar maza dekh liya ulfat ka
hum na kahte the ki is kaam mein zillat hogi
ye bhi kuchh baat hai phir wasl na ho ai 'jauhar'
ranj rahat se hua ranj se rahat hogi
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
