aaina dekh apna sa munh le ke rah gae

ā.īna dekh apnā sā muñh le ke rah ga.e

sāhab ko dil na dene pe kitnā ġhurūr thā

qāsid ko apne haath se gardan na māriye

us kī ḳhatā nahīñ hai ye merā qusūr thā

zof-e-junūñ ko vaqt-e-tapish dar bhī duur thā

ik ghar meñ muḳhtasar sā bayābāñ zarūr thā

ai vā.e-ġhaflat-e-nigah-e-shauq varna yaañ

har paara sañg laḳht-e-dil-e-koh-e-tūr thā

dars-e-tapish hai barq ko ab jis ke naam se

vo dil hai ye ki jis kā taḳhallus subūr thā

har rang meñ jalā 'asad'-e-fitna-intizār

parvāna-e-tajallī-e-sham-e-zuhūr thā

shāyad ki mar gayā tire ruḳhsār dekh kar

paimāna raat maah kā labrez-e-nūr thā

jannat hai terī teġh ke kushtoñ kī muntazir

jauhar savād-e-jalva-e-mizhgān-e-hūr thā

aaina dekh apna sa munh le ke rah gae

sahab ko dil na dene pe kitna ghurur tha

qasid ko apne hath se gardan na mariye

us ki KHata nahin hai ye mera qusur tha

zof-e-junun ko waqt-e-tapish dar bhi dur tha

ek ghar mein muKHtasar sa bayaban zarur tha

ai wae-ghaflat-e-nigah-e-shauq warna yan

har para sang laKHt-e-dil-e-koh-e-tur tha

dars-e-tapish hai barq ko ab jis ke nam se

wo dil hai ye ki jis ka taKHallus subur tha

har rang mein jala 'asad'-e-fitna-intizar

parwana-e-tajalli-e-sham-e-zuhur tha

shayad ki mar gaya tere ruKHsar dekh kar

paimana raat mah ka labrez-e-nur tha

jannat hai teri tegh ke kushton ki muntazir

jauhar sawad-e-jalwa-e-mizhgan-e-hur tha