aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aane wale jaane wale har zamane ke liye

Hafeez Jalandhari

aane wale jaane wale har zamane ke liye

Hafeez Jalandhari

MORE BYHafeez Jalandhari

    aane vaale jaane vaale har zamāne ke liye

    aadmī mazdūr hai rāheñ banāne ke liye

    zindagī firdaus-e-gum-gashta ko saktī nahīñ

    maut aatī hai ye manzil dikhāne ke liye

    merī peshānī pe ik sajda to hai likkhā huā

    ye nahīñ ma.alūm hai kis āstāne ke liye

    un va.ada aur mujhe us par yaqīñ ai ham-nashīñ

    ik bahāna hai taḌapne tilmilāne ke liye

    jab se pahra zabt hai āñ.suoñ fasl par

    ho ga.iiñ muhtāj āñkheñ daane daane ke liye

    āḳhirī ummīd vaqt-e-naza.a un diid thī

    maut ko bhī mil gayā fiqara na aane ke liye

    allāh allāh dost ko merī tabāhī par ye naaz

    sū-e-dushman dekhtā hai daad paane ke liye

    ne.amat-e-ġham merā hissa mujh ko de de ai ḳhudā

    jama.a rakh merī ḳhushī saare zamāne ke liye

    nusḳha-e-hastī meñ ibrat ke sivā kyā thā 'hafīz'

    surḳhiyāñ kuchh mil ga.iiñ apne fasāne ke liye

    aane wale jaane wale har zamane ke liye

    aadmi mazdur hai rahen banane ke liye

    zindagi firdaus-e-gum-gashta ko pa sakti nahin

    maut hi aati hai ye manzil dikhane ke liye

    meri peshani pe ek sajda to hai likkha hua

    ye nahin malum hai kis aastane ke liye

    un ka wada aur mujhe us par yaqin ai ham-nashin

    ek bahana hai taDapne tilmilane ke liye

    jab se pahra zabt ka hai aansuon ki fasl par

    ho gain muhtaj aankhen dane dane ke liye

    aaKHiri ummid waqt-e-naza un ki did thi

    maut ko bhi mil gaya fiqara na aane ke liye

    allah allah dost ko meri tabahi par ye naz

    su-e-dushman dekhta hai dad pane ke liye

    neamat-e-gham mera hissa mujh ko de de ai KHuda

    jama rakh meri KHushi sare zamane ke liye

    nusKHa-e-hasti mein ibrat ke siwa kya tha 'hafiz'

    surKHiyan kuchh mil gain apne fasane ke liye

    Source:

    Kulliyat-e-Hafeez Jalandhari (Pg. 130)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now