aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aasman par ek sitara sham se betab hai

Qamar Jameel

aasman par ek sitara sham se betab hai

Qamar Jameel

MORE BYQamar Jameel

    āsmāñ par ik sitāra shaam se betāb hai

    merī āñkhoñ meñ tumhārā ġham nahīñ hai ḳhvāb hai

    raat dariyā aa.ine meñ is tarah aayā ki maiñ

    ye samajh kar so gayā dariyā nahīñ ik ḳhvāb hai

    kāmanī sūrat meñ bhī ik aarzū hai mahv-e-ḳhvāb

    sāñvlī rañgat meñ bhī ik vasl kam-ḳhvāb hai

    merī ḳhātir kuchh sunahrī sāñvlī miTTī bhī thī

    varna us jism saarā raushnī ḳhvāb hai

    āsmāñ ik bistar-e-sanjāb lagtā hai mujhe

    aur ye qaus-e-quzah jaise koī mehrāb hai

    kis ke istiqbāl ko uTThe the dīvānoñ ke haath

    kis ke mātam ko yahāñ ye majma'-e-ahbāb hai

    ilāhābād meñ rahiye jahāñ sañgam bhī ho

    banāras meñ jahāñ har ghaaT par sailāb hai

    is nahañg-e-tishna se zor-āzmā ho kar 'jamīl'

    bhuul mat jaanā ki aage bhī vahī girdāb hai

    aasman par ek sitara sham se betab hai

    meri aankhon mein tumhaara gham nahin hai KHwab hai

    raat dariya aaine mein is tarah aaya ki main

    ye samajh kar so gaya dariya nahin ek KHwab hai

    kaamani surat mein bhi ek aarzu hai mahw-e-KHwab

    sanwli rangat mein bhi ek wasl ka kam-KHwab hai

    meri KHatir kuchh sunahri sanwli miTTi bhi thi

    warna us ka jism sara raushni ka KHwab hai

    aasman ek bistar-e-sanjab lagta hai mujhe

    aur ye qaus-e-quzah jaise koi mehrab hai

    kis ke istiqbaal ko uTThe the diwanon ke hath

    kis ke matam ko yahan ye majma'-e-ahbab hai

    ya ilahabaad mein rahiye jahan sangam bhi ho

    ya banaras mein jahan har ghaT par sailab hai

    is nahang-e-tishna se zor-azma ho kar 'jamil'

    bhul mat jaana ki aage bhi wahi girdab hai

    Source:

    chhaar khvaab (Pg. 115)

    • Author: qamar jameel
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now