ab bhi tauhin-e-itaat nahin hogi humse
ab bhī tauhīn-e-itā.at nahīñ hogī ham se
dil nahīñ hogā to bai.at nahīñ hogī ham se
roz ik taaza qasīda na.ī tashbīb ke saath
rizq bar-haq hai ye ḳhidmat nahīñ hogī ham se
dil ke ma.abūd jabīnoñ ke ḳhudā.ī se alag
aise aalam meñ ibādat nahīñ hogī ham se
ujrat-e-ishq vafā hai to ham aise mazdūr
kuchh bhī kar leñge ye mehnat nahīñ hogī ham se
har na.ī nasl ko ik taaza madīne kī talāsh
sāhibo ab koī hijrat nahīñ hogī ham se
suḳhan-ārā.ī kī sūrat to nikal saktī hai
par ye chakkī kī mashaqqat nahīñ hogī ham se
ab bhi tauhin-e-itaat nahin hogi hum se
dil nahin hoga to baiat nahin hogi hum se
roz ek taza qasida nai tashbib ke sath
rizq bar-haq hai ye KHidmat nahin hogi hum se
dil ke mabud jabinon ke KHudai se alag
aise aalam mein ibaadat nahin hogi hum se
ujrat-e-ishq wafa hai to hum aise mazdur
kuchh bhi kar lenge ye mehnat nahin hogi hum se
har nai nasl ko ek taza madine ki talash
sahibo ab koi hijrat nahin hogi hum se
suKHan-arai ki surat to nikal sakti hai
par ye chakki ki mashaqqat nahin hogi hum se
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
