ab iKHtiyar mein maujen na ye rawani hai
ab iḳhtiyār meñ maujeñ na ye ravānī hai
maiñ bah rahā huuñ ki merā vajūd paanī hai
maiñ aur merī tarah tū bhī ik haqīqat hai
phir is ke ba.ad jo bachtā hai vo kahānī hai
tire vajūd meñ kuchh hai jo is zamīñ kā nahīñ
tire ḳhayāl kī rañgat bhī āsmānī hai
zarā bhī daḳhl nahīñ is meñ in havāoñ kā
hameñ to maslahatan apnī ḳhaak uḌānī hai
ye ḳhvāb-gāh ye āñkheñ ye merā ishq-e-qadīm
har ek chiiz mirī zaat meñ purānī hai
vo ek din jo tujhe sochne meñ guzrā thā
tamām umr usī din kī tarjumānī hai
navāh-e-jāñ meñ bhaTaktī haiñ ḳhushbueñ jis kī
vo ek phuul ki lagtā hai rāt-rānī hai
irādatan to kahīñ kuchh nahīñ huā lekin
maiñ jī rahā huuñ ye sāñsoñ kī ḳhush-gumānī hai
ab iKHtiyar mein maujen na ye rawani hai
main bah raha hun ki mera wajud pani hai
main aur meri tarah tu bhi ek haqiqat hai
phir is ke baad jo bachta hai wo kahani hai
tere wajud mein kuchh hai jo is zamin ka nahin
tere KHayal ki rangat bhi aasmani hai
zara bhi daKHl nahin is mein in hawaon ka
hamein to maslahatan apni KHak uDani hai
ye KHwab-gah ye aankhen ye mera ishq-e-qadim
har ek chiz meri zat mein purani hai
wo ek din jo tujhe sochne mein guzra tha
tamam umr usi din ki tarjumani hai
nawah-e-jaan mein bhaTakti hain KHushbuen jis ki
wo ek phul ki lagta hai raat-rani hai
iradatan to kahin kuchh nahin hua lekin
main ji raha hun ye sanson ki KHush-gumani hai
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
