abas hi mahw-e-shab-o-roz wo dua mein tha

abas hī mahv-e-shab-o-roz vo duā meñ thā

ilaaj us kā agar dard-e-lā-davā meñ thā

ye aur baat ki vo tishna-e-javāb rahā

savāl us kā magar gūñjtā fazā meñ thā

hameñ ḳhabar thī ki us kā javāb kyā hogā

magar vo lutf jo iz.hār-e-mudda.ā meñ thā

yaqīñ kareñ ki yahīñ koī jaise kahtā ho

ki jo bhī dekhā sunā thā vo sab havā meñ thā

ham apne-āp ko kyā kuchh nahīñ samajhte the

magar khulā ki safar ḳhvāb aur ḳhalā meñ thā

ḳhud apne aks-e-gunah kā thā sāmnā us ko

tamām umr vo ā.īnā-e-sazā meñ thā

abas hi mahw-e-shab-o-roz wo dua mein tha

ilaj us ka agar dard-e-la-dawa mein tha

ye aur baat ki wo tishna-e-jawab raha

sawal us ka magar gunjta faza mein tha

hamein KHabar thi ki us ka jawab kya hoga

magar wo lutf jo izhaar-e-muddaa mein tha

yaqin karen ki yahin koi jaise kahta ho

ki jo bhi dekha suna tha wo sab hawa mein tha

hum apne-ap ko kya kuchh nahin samajhte the

magar khula ki safar KHwab aur KHala mein tha

KHud apne aks-e-gunah ka tha samna us ko

tamam umr wo aaina-e-saza mein tha