abr mein yaad-e-yar aawe hai
abr meñ yād-e-yār aave hai
girya be-iḳhtiyār aave hai
baaġh se gul-izār aave hai
bū-e-gul par savār aave hai
ai ḳhizāñ bhaag jā chaman se shitāb
varna fauj-e-bahār aave hai
ai sabā kis taraf ko guzrī thī
tujh se bū-e-nigār aave hai
mujh havā-ḳhvāh se gurez so kyuuñ
tujh ko kyā mujh se aar aave hai
sun ke kahne lage kisī ke koī
kaahe ko baar baar aave hai
is qadar bas-ki roz milne se
ḳhātiroñ meñ ġhubār aave hai
maiñ to kyā 'hātim' aise bad-ḳhū se
kis ko sohbat barār aave hai
abr mein yaad-e-yar aawe hai
girya be-iKHtiyar aawe hai
bagh se gul-izar aawe hai
bu-e-gul par sawar aawe hai
ai KHizan bhag ja chaman se shitab
warna fauj-e-bahaar aawe hai
ai saba kis taraf ko guzri thi
tujh se bu-e-nigar aawe hai
mujh hawa-KHwah se gurez so kyun
tujh ko kya mujh se aar aawe hai
sun ke kahne lage kisi ke koi
kahe ko bar bar aawe hai
is qadar bas-ki roz milne se
KHatiron mein ghubar aawe hai
main to kya 'hatim' aise bad-KHu se
kis ko sohbat barar aawe hai
- Book : Intekhab-e-Zarrin Urdu Ghazal (Pg. 46)
- Author : Khvaja Mohammad Zakriya
- Publication : Sangat Publishers (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
