Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

agarche koi bhi andha nahin tha

Amjad Islam Amjad

agarche koi bhi andha nahin tha

Amjad Islam Amjad

agarche koī bhī andhā nahīñ thā

likhā dīvār paḌhtā nahīñ thā

kuchh aisī barf thī us nazar meñ

guzarne ke liye rasta nahīñ thā

tumhī ne kaun achchhā.ī hai

chalo maanā ki maiñ achchhā nahīñ thā

khulī āñkhoñ se saarī umr dekhā

ik aisā ḳhvāb jo apnā nahīñ thā

maiñ us anjuman meñ thā akelā

kisī ne bhī mujhe dekhā nahīñ thā

sahar ke vaqt kaise chhoḌ jaatā

tumhārī yaad thī sapnā nahīñ thā

khaḌī thī raat khiḌkī ke sirhāne

darīche meñ vo chāñd utrā nahīñ thā

diloñ meñ girne vaale ashk chuntā

kahīñ ik jauharī aisā nahīñ thā

kuchh aisī dhuup thī un ke saroñ par

ḳhudā jaise ġharīboñ nahīñ thā

abhī harfoñ meñ rañg aate kahāñ se

abhī maiñ ne use likkhā nahīñ thā

thī puurī shakl us yaad mujh ko

magar maiñ ne use dekhā nahīñ thā

barahna ḳhvāb the sūraj ke nīche

kisī ummīd pardā nahīñ thā

hai 'amjad' aaj tak vo shaḳhs dil meñ

ki jo us vaqt bhī merā nahīñ thā

agarche koi bhi andha nahin tha

likha diwar ka paDhta nahin tha

kuchh aisi barf thi us ki nazar mein

guzarne ke liye rasta nahin tha

tumhi ne kaun si achchhai ki hai

chalo mana ki main achchha nahin tha

khuli aankhon se sari umr dekha

ek aisa KHwab jo apna nahin tha

main us ki anjuman mein tha akela

kisi ne bhi mujhe dekha nahin tha

sahar ke waqt kaise chhoD jata

tumhaari yaad thi sapna nahin tha

khaDi thi raat khiDki ke sirhane

dariche mein wo chand utra nahin tha

dilon mein girne wale ashk chunta

kahin ek jauhari aisa nahin tha

kuchh aisi dhup thi un ke saron par

KHuda jaise gharibon ka nahin tha

abhi harfon mein rang aate kahan se

abhi main ne use likkha nahin tha

thi puri shakl us ki yaad mujh ko

magar main ne use dekha nahin tha

barahna KHwab the suraj ke niche

kisi ummid ka parda nahin tha

hai 'amjad' aaj tak wo shaKHs dil mein

ki jo us waqt bhi mera nahin tha

Source :
  • Book : Fishaar (Pg. 104)
  • Author : Amjad Islam Amjad
  • Publication : Fawaz Niyaaz (2010)
  • Edition : 2010
0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now