ahwal pochhiye mera aazar jaaniye

ahvāl pochhiye mirā āzār jāniye

zanjīr dekh kar na giraftār jāniye

afsos jā chukā hai ghaḌī dekhne kā vaqt

ab dhuup se hī vaqt kī raftār jāniye

hañsiye janāb der tak ab apne aap par

kis ne kahā thā ḳhud ko samajhdār jāniye

kuchh der baiTh jā.iye dīvār ke qarīb

kyā kah rahā hai sāya-e-dīvār jāniye

āsāñ nahīñ hai jānñā is shahr kā mizāj

sau baar dekhiye use sau baar jāniye

kyā rabt-e-ḳhās aap ko kār-e-jahāñ se hai

achchhā to aap bhī mujhe bekār jāniye

'kāshif'-husain ḳhuub hī hote haiñ ahl-e-ishq

is paar bhī khaḌe hoñ to us paar jāniye

ahwal pochhiye mera aazar jaaniye

zanjir dekh kar na giraftar jaaniye

afsos ja chuka hai ghaDi dekhne ka waqt

ab dhup se hi waqt ki raftar jaaniye

hansiye janab der tak ab apne aap par

kis ne kaha tha KHud ko samajhdar jaaniye

kuchh der baiTh jaiye diwar ke qarib

kya kah raha hai saya-e-diwar jaaniye

aasan nahin hai jaanna is shahr ka mizaj

sau bar dekhiye use sau bar jaaniye

kya rabt-e-KHas aap ko kar-e-jahan se hai

achchha to aap bhi mujhe bekar jaaniye

'kashif'-husain KHub hi hote hain ahl-e-ishq

is par bhi khaDe hon to us par jaaniye