ai katib-e-taqdir ye taqdir mein likh de
ai kātib-e-taqdīr ye taqdīr meñ likh de
bas us kī mohabbat mirī jāgīr meñ likh de
de aisā junūñ jaisā diyā qais ko tū ne
mujh ko bhī isī halqa-e-zanjīr meñ likh de
paane kā use ḳhvāb jo dekhā hai hamesha
vo ḳhvāb hī bas ḳhvāb kī ta.abīr meñ likh de
dil aisā makāñ hai jo agar TuuT gayā to
lag jā.eñgī sadiyāñ na.ī ta.amīr meñ likh de
milnā hai agar ḳhud se to phir der na karnā
kho jaane kā Dar hotā hai tāḳhīr meñ likh de
sachchā.ī mirā jurm hai aur kār-e-vafā bhī
munsif hai to ye bhī mirī ta.azīr meñ likh de
likh de ki maiñ 'ġhālib' kā muqallid huuñ ġhazal meñ
phir naam mirā mo'taqid-e-'mīr' meñ likh de
ai katib-e-taqdir ye taqdir mein likh de
bas us ki mohabbat meri jagir mein likh de
de aisa junun jaisa diya qais ko tu ne
mujh ko bhi isi halqa-e-zanjir mein likh de
pane ka use KHwab jo dekha hai hamesha
wo KHwab hi bas KHwab ki tabir mein likh de
dil aisa makan hai jo agar TuT gaya to
lag jaengi sadiyan nai tamir mein likh de
milna hai agar KHud se to phir der na karna
kho jaane ka Dar hota hai taKHir mein likh de
sachchai mera jurm hai aur kar-e-wafa bhi
munsif hai to ye bhi meri tazir mein likh de
likh de ki main 'ghaalib' ka muqallid hun ghazal mein
phir nam mera mo'taqid-e-'mir' mein likh de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
