ajib Dhang se maine yahan guzara kiya

ajiib Dhañg se maiñ ne yahāñ guzārā kiyā

ki dil ko barf kiyā zehn ko sharāra kiyā

mizāj-e-dard ko sab lafz bhī qubūl na the

kisī kisī ko tire ġham kā isti.āra kiyā

phir us ke ashk bhī us ko adā na kar paa.e

vo dukh jo us ke tabassum ne āshkārā kiyā

ki jaise aañkh ke lagte hī khul ga.iiñ āñkheñ

nigāh-e-jāñ ne bahut duur tak nazāra kiyā

hameñ bhī dekh ki tajsīm-e-nau se guzre haiñ

badan ko shīsha kiyā dil ko sañg-pāra kiyā

ajab mizāj thā tanhā.ī-āshnā ki 'sa.ūd'

ḳhud apnā saath bhī mushkil se hī gavārā kiyā

ajib Dhang se main ne yahan guzara kiya

ki dil ko barf kiya zehn ko sharara kiya

mizaj-e-dard ko sab lafz bhi qubul na the

kisi kisi ko tere gham ka istiara kiya

phir us ke ashk bhi us ko ada na kar pae

wo dukh jo us ke tabassum ne aashkara kiya

ki jaise aankh ke lagte hi khul gain aankhen

nigah-e-jaan ne bahut dur tak nazara kiya

hamein bhi dekh ki tajsim-e-nau se guzre hain

badan ko shisha kiya dil ko sang-para kiya

ajab mizaj tha tanhai-ashna ki 'saud'

KHud apna sath bhi mushkil se hi gawara kiya