aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab apna haal hum unhen tahrir kar chuke

Anwar Dehlvi

ab apna haal hum unhen tahrir kar chuke

Anwar Dehlvi

MORE BYAnwar Dehlvi

    ab apnā haal ham unheñ tahrīr kar chuke

    ḳhāma supurd kātib-e-taqdīr kar chuke

    kahte haiñ tum visāl tadbīr kar chuke

    goyā hamāre haq meñ vo taqdīr kar chuke

    tadbīr ko havāla-e-taqdīr kar chuke

    ham be-zabāñ bhī yaar se taqrīr kar chuke

    dil-e-ḳhār-ḳhār ḳhanda-e-chashm-e-asar hai ab

    dil-e-garm sirf nāla-e-shab-gīr kar chuke

    martā huuñ yuuñ ki basta-e-fitrāk kyuuñ nahīñ

    maiñ huuñ vahī ki tum jise naḳhchīr kar chuke

    ham jaan kyuuñ na deñ dam-e-guftār baar baar

    par dekhte haiñ ye ki vo taqrīr kar chuke

    bāhar hai zabt-e-sharm se āshuftagī mirī

    tum bhī asīr-e-zulf-e-girah-gīr kar chuke

    vaqt-e-payām vasl vo kahte haiñ ho chukā

    shāyad adū se vasl tahrīr kar chuke

    bas intizār-e-sub.h-e-qayāmat nahīñ qubūl

    ham ab to azm nāla-e-shab-gīr kar chuke

    kuchh muzd-e-rañj bāzū-e-qātil nahīñ ki dil

    nazr adā-e-burrash-e-shamshīr kar chuke

    khultā nahīñ ye uqda ki ho baiThe shaad kyuuñ

    kis ko asīr-e-zulf-e-girah-gīr kar chuke

    kahiye ki shān-e-ishq meñ kyā ho ga.ī kamī

    go aap ḳhuub mirī tahqīr kar chuke

    dil hai yahāñ do-nīm qusūr-e-tapish muaaf

    tum bhī nigāh-e-bazm ko shamshīr kar chuke

    khultā hai aur nāla-sarā.ī se dil mirā

    naala ye biiñ to un pe bhī tāsīr kar chuke

    sūrat chhupā.iye kisī sūrat-parast se

    ham dil meñ naqsh aap tasvīr kar chuke

    dāman-kashāñ chale haiñ mirī ḳhaak par se vo

    barbād karne mirī tadbīr kar chuke

    kuchh hashr-ḳhezī shab-e-ġham-e-intizār-e-marg

    kuchh duur zulm vaqt tāḳhīr kar chuke

    gautam ne us ko rakh ke nazar meñ girā diyā

    lekin adū izzat-o-tauqīr kar chuke

    tā-charḳh haiñ uḌaa.e phire mujh ko zo.af meñ

    naale kahāñ kahāñ mujhe tash.hīr kar chuke

    hai vahāñ nigah nigah ko sar-e-dil-barī magar

    dil ko mere vo qismat-e-sad-tīr kar chuke

    kahiye ki zor-e-bāzūe meñ kidhar gayā

    sau baar ġhair aap taqsīr kar chuke

    pahle jabīñ havāla-e-taqdīr kar chuke

    dil musir hai ki kār-kunān-e-qazā a

    sāmān-e-sad-shikastīñ ta.amīr kar chuke

    chun chun ke be-gunah ko vo laate haiñ zer-e-teġh

    ham jab se is ummīd pe taqsīr kar chuke

    āḳhir to ba.ad us ke hai yaas se ummīd

    jo kuchh ham apnī aah tāsīr kar chuke

    ab kyā kaheñ ki qaul-e-vafā de chuke unheñ

    pahle qat.a dāman-e-taqrīr kar chuke

    ab kyā rahā lapeT meñ dāman se aap ke

    miTTī ham apnī aap jo tauqīr kar chuke

    hai chashm-e-dajla baaz to kyā ham ko chashm-e-zīst

    kāshāna rū-e-āb pe ta.amīr kar chuke

    kyuuñ iltijā-e-qatl se kījiye unheñ satañg

    jab vaqt aa gayā to vo tāḳhīr kar chuke

    ham kis se shukr-o-mad.h qubūl-o-duā kareñ

    lab qismat-e-shikāyat-e-tāsīr kar chuke

    ab muñh se boltī koī tasvīr aap

    jaañ apnī ham havāla-e-taqdīr kar chuke

    is lab pe imtihāñ ke liye mar miTe haiñ ham

    jiine se pahle marne tadbīr kar chuke

    hotā hai vo yahāñ ki jo manzūr hai vahāñ

    'anvar' ham āzmā.ish-e-taqdīr kar chuke

    ab apna haal hum unhen tahrir kar chuke

    KHama supurd katib-e-taqdir kar chuke

    kahte hain tum visal ki tadbir kar chuke

    goya hamare haq mein wo taqdir kar chuke

    tadbir ko hawala-e-taqdir kar chuke

    hum be-zaban bhi yar se taqrir kar chuke

    dil-e-KHar-KHar KHanda-e-chashm-e-asar hai ab

    dil-e-garm sirf nala-e-shab-gir kar chuke

    marta hun yun ki basta-e-fitrak kyun nahin

    main hun wahi ki tum jise naKHchir kar chuke

    hum jaan kyun na den dam-e-guftar bar bar

    par dekhte hain ye ki wo taqrir kar chuke

    bahar hai zabt-e-sharm se aashuftagi meri

    tum bhi asir-e-zulf-e-girah-gir kar chuke

    waqt-e-payam wasl wo kahte hain ho chuka

    shayad adu se wasl ki tahrir kar chuke

    bas intizar-e-subh-e-qayamat nahin qubul

    hum ab to azm nala-e-shab-gir kar chuke

    kuchh muzd-e-ranj bazu-e-qatil nahin ki dil

    nazr ada-e-burrash-e-shamshir kar chuke

    khulta nahin ye uqda ki ho baiThe shad kyun

    kis ko asir-e-zulf-e-girah-gir kar chuke

    kahiye ki shan-e-ishq mein kya ho gai kami

    go aap KHub si meri tahqir kar chuke

    dil hai yahan do-nim qusur-e-tapish muaf

    tum bhi nigah-e-bazm ko shamshir kar chuke

    khulta hai aur nala-sarai se dil mera

    nala ye bin to un pe bhi tasir kar chuke

    surat chhupaiye kisi surat-parast se

    hum dil mein naqsh aap ki taswir kar chuke

    daman-kashan chale hain meri KHak par se wo

    barbaad karne ki meri tadbir kar chuke

    kuchh hashr-KHezi shab-e-gham-e-intizar-e-marg

    kuchh dur zulm waqt ki taKHir kar chuke

    gautam ne us ko rakh ke nazar mein gira diya

    lekin adu ki izzat-o-tauqir kar chuke

    ta-charKH hain uDae phire mujh ko zoaf mein

    nale kahan kahan mujhe tashhir kar chuke

    hai wahan nigah nigah ko sar-e-dil-bari magar

    dil ko mere wo qismat-e-sad-tir kar chuke

    kahiye ki zor-e-bazue mein kidhar gaya

    sau bar ghair aap ki taqsir kar chuke

    pahle jabin hawala-e-taqdir kar chuke

    dil musir hai ki kar-kunan-e-qaza a

    saman-e-sad-shikastin tamir kar chuke

    chun chun ke be-gunah ko wo late hain zer-e-tegh

    hum jab se is ummid pe taqsir kar chuke

    aaKHir to baad us ke hai yas se ummid

    jo kuchh hum apni aah ki tasir kar chuke

    ab kya kahen ki qaul-e-wafa de chuke unhen

    pahle hi qata daman-e-taqrir kar chuke

    ab kya raha lapeT mein daman se aap ke

    miTTi hum apni aap jo tauqir kar chuke

    hai chashm-e-dajla baz to kya hum ko chashm-e-zist

    kashana ru-e-ab pe tamir kar chuke

    kyun iltija-e-qatl se kijiye unhen satang

    jab waqt aa gaya to wo taKHir kar chuke

    hum kis se shukr-o-madh qubul-o-dua karen

    lab qismat-e-shikayat-e-tasir kar chuke

    ab munh se bolti koi taswir aap ki

    jaan apni hum hawala-e-taqdir kar chuke

    is lab pe imtihan ke liye mar miTe hain hum

    jine se pahle marne ki tadbir kar chuke

    hota hai wo hi yahan ki jo manzur hai wahan

    'anwar' hum aazmaish-e-taqdir kar chuke

    Source:

    Deewan-e-Anwar Nazm-e-Dilfroz (Pg. e-125 p-124)

    • Author: Anwar Dehlvi
      • Edition: 1899
      • Publisher: Mumtaz Ali
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now