apne hone se bhi inkar kiye jate hain
apne hone se bhī inkār kiye jaate haiñ
ham ki rasta tirā hamvār kiye jaate haiñ
roz ab shahr meñ sajte haiñ tijārat mele
log sehnoñ ko bhī bāzār kiye jaate haiñ
Dālte haiñ vo jo kashkol meñ sāñseñ gin kar
kal ke sapne bhī giraftār kiye jaate haiñ
kis ko mālūm yahāñ asal kahānī ham to
darmiyāñ kā koī kirdār kiye jaate haiñ
dil pe kuchh aur guzartī hai magar kyā kiije
lafz kuchh aur hī iz.hār kiye jaate haiñ
mere dushman ko zarūrat nahīñ kuchh karne kī
us se achchhā to mire yaar kiye jaate haiñ
apne hone se bhi inkar kiye jate hain
hum ki rasta tera hamwar kiye jate hain
roz ab shahr mein sajte hain tijarat mele
log sehnon ko bhi bazar kiye jate hain
Dalte hain wo jo kashkol mein sansen gin kar
kal ke sapne bhi giraftar kiye jate hain
kis ko malum yahan asal kahani hum to
darmiyan ka koi kirdar kiye jate hain
dil pe kuchh aur guzarti hai magar kya kije
lafz kuchh aur hi izhaar kiye jate hain
mere dushman ko zarurat nahin kuchh karne ki
us se achchha to mere yar kiye jate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
