apni aankhon par wo nindon ki rida oDhe hue

apnī āñkhoñ par vo nīñdoñ kī ridā oḌhe hue

so rahā hai ḳhvāb kā ik silsila oḌhe hue

sardiyoñ kī raat meñ vo be-makāñ muflis bashar

kis tarah rahtā hai iklautī ridā oḌhe hue

ik 'ajab andāz se aa.ī lahad par ik dulhan

chūḌiyāñ toḌe hue dast-e-hinā oḌhe hue

ḳhair muqaddam ke liye baḌhne lagīñ merī taraf

manzileñ apne saroñ par rāsta oḌhe hue

peḌ ke nīche zarā sī chhāñv jo us ko milī

so gayā mazdūr tan par boriyā oḌhe hue

terī yādoñ ke charāġhoñ ne kiyā jhuk kar salām

jab chalī āñdhī koī zor-e-havā oḌhe hue

bhiiḌ meñ gum ho gayā ik roz 'shārib' kā vajūd

DhūñDhtā hai jism par apnā patā oḌhe hue

apni aankhon par wo nindon ki rida oDhe hue

so raha hai KHwab ka ek silsila oDhe hue

sardiyon ki raat mein wo be-makan muflis bashar

kis tarah rahta hai iklauti rida oDhe hue

ek 'ajab andaz se aai lahad par ek dulhan

chuDiyan toDe hue dast-e-hina oDhe hue

KHair muqaddam ke liye baDhne lagin meri taraf

manzilen apne saron par rasta oDhe hue

peD ke niche zara si chhanw jo us ko mili

so gaya mazdur tan par boriya oDhe hue

teri yaadon ke charaghon ne kiya jhuk kar salam

jab chali aandhi koi zor-e-hawa oDhe hue

bhiD mein gum ho gaya ek roz 'shaarib' ka wajud

DhunDhta hai jism par apna pata oDhe hue