apni Thokar se jo ek war kiya hai maine

apnī Thokar se jo ik vaar kiyā hai maiñ ne

dekh kyā rāsta hamvār kiyā hai maiñ ne

bhurbhure jism kī miTTī ne bahut ḳhvār kiyā

apne hone pe jab isrār kiyā hai maiñ ne

maiñ yūñhī aayā nahīñ bāġh-e-adan kī jānib

ek sahrā thā jise paar kiyā hai maiñ ne

ai shab-e-ḳhvāb ye hangām-e-tahayyur kyā hai

ḳhud ko gar niiñd se bedār kiyā hai maiñ ne

vo koī aur na thā mere alāva 'gauhar'

paañv rakh kar jise mismār kiyā hai maiñ ne

apni Thokar se jo ek war kiya hai main ne

dekh kya rasta hamwar kiya hai main ne

bhurbhure jism ki miTTi ne bahut KHwar kiya

apne hone pe jab israr kiya hai main ne

main yunhi aaya nahin bagh-e-adan ki jaanib

ek sahra tha jise par kiya hai main ne

ai shab-e-KHwab ye hangam-e-tahayyur kya hai

KHud ko gar nind se bedar kiya hai main ne

wo koi aur na tha mere alawa 'gauhar'

panw rakh kar jise mismar kiya hai main ne