asir-e-jism hun miad-e-qaid la-malum

asīr-e-jism huuñ mī'ād-e-qaid lā-mā'lūm

ye kis gunāh kī pādāsh hai ḳhudā mā'lūm

tirī galī bhī mujhe yuuñ to khīñchtī hai bahut

dar-asl hai mirī miTTī kahāñ kī kyā mā'lūm

kahāñ se lā.ūñ ilāhī vo dūrbīñ āñkheñ

ki ho ishāra-e-angusht-e-haq-numā mā'lūm

safar zarūr hai aur uzr kī majāl nahīñ

maza to ye hai na manzil na rāsta mā'lūm

sunī hikāyat-e-hastī to darmiyāñ se sunī

na ibtidā kī ḳhabar hai na intihā mā'lūm

talab kareñ bhī to kyā shai talab kareñ ai 'shād'

hamīñ ko aap nahīñ apnā mudda.ā mā'lūm

asir-e-jism hun mi'ad-e-qaid la-ma'lum

ye kis gunah ki padash hai KHuda ma'lum

teri gali bhi mujhe yun to khinchti hai bahut

dar-asl hai meri miTTi kahan ki kya ma'lum

kahan se laun ilahi wo durbin aankhen

ki ho ishaara-e-angusht-e-haq-numa ma'lum

safar zarur hai aur uzr ki majal nahin

maza to ye hai na manzil na rasta ma'lum

suni hikayat-e-hasti to darmiyan se suni

na ibtida ki KHabar hai na intiha ma'lum

talab karen bhi to kya shai talab karen ai 'shad'

hamin ko aap nahin apna muddaa ma'lum