ata hui kise sanad nazar nazar ki baat hai
atā huī kise sanad nazar nazar kī baat hai
huā hai kaun nām-zad nazar nazar kī baat hai
gul o sitāra o qamar sabhī hasīn haiñ magar
hai kaun in meñ mustanad nazar nazar kī baat hai
izāfī e'tibār hai ta.ayyun-e-maqām bhī
hai past bhī buland-qad nazar nazar kī baat hai
bure bhale meñ farq hai ye jānte haiñ sab magar
hai kaun nek kaun bad nazar nazar kī baat hai
zamīñ agarche bistar-e-gul-o-saman bhī hai magar
kisī ko hai yahī lahad nazar nazar kī baat hai
koī chale tamām umr koī sirf do qadam
kahāñ hai manziloñ kī had nazar nazar kī baat hai
ata hui kise sanad nazar nazar ki baat hai
hua hai kaun nam-zad nazar nazar ki baat hai
gul o sitara o qamar sabhi hasin hain magar
hai kaun in mein mustanad nazar nazar ki baat hai
izafi e'tibar hai tayyun-e-maqam bhi
hai past bhi buland-qad nazar nazar ki baat hai
bure bhale mein farq hai ye jaante hain sab magar
hai kaun nek kaun bad nazar nazar ki baat hai
zamin agarche bistar-e-gul-o-saman bhi hai magar
kisi ko hai yahi lahad nazar nazar ki baat hai
koi chale tamam umr koi sirf do qadam
kahan hai manzilon ki had nazar nazar ki baat hai
- Book : Firdaus-e-Khayal (Poetry) (Pg. 30)
- Author : Akbar Hyderabadi
- Publication : Nirali Duniya Publications (2002)
- Edition : 2002
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
