aune-paune ghazlen bechin nazmon ka bewpar kiya

aune-paune ġhazleñ bechīñ nazmoñ kā bevpār kiyā

dekho ham ne peT kī ḳhātir kyā kyā kārobār kiyā

is bastī ke log to sab the chaltī phirtī dīvāreñ

ham ne rañg luTātī shab se ujle dinoñ se pyaar kiyā

zehn se ik ik kar ke terī saarī bāteñ utar ga.iiñ

kabhī kabhī to vaqt ne ham ko aisā bhī nā-chār kiyā

apnā-āp bhī khoyā ham ne logoñ se bhī chhūTā saath

ik saa.e kī dhun ne ham ko kaise kaise ḳhaar kiyā

saare ahd kā bojh thā sar par dil meñ saare jahāñ kā ġham

vaqt kā jaltā ubaltā sahrā ham ne jis dam paar kiyā

jāgtī galiyoñ ūñche gharoñ meñ zard añdherā nāchtā hai

jis lamhe se ham Darte the us ne āḳhir vaar kiyā

shaam kī ThanDī aahoñ meñ bhī terī ḳhushbū shāmil thī

raat ga.e tak peḌoñ ne bhī terā zikr-azkār kiyā

aune-paune ghazlen bechin nazmon ka bewpar kiya

dekho hum ne peT ki KHatir kya kya karobar kiya

is basti ke log to sab the chalti phirti diwaren

hum ne rang luTati shab se ujle dinon se pyar kiya

zehn se ek ek kar ke teri sari baaten utar gain

kabhi kabhi to waqt ne hum ko aisa bhi na-chaar kiya

apna-ap bhi khoya hum ne logon se bhi chhuTa sath

ek sae ki dhun ne hum ko kaise kaise KHar kiya

sare ahd ka bojh tha sar par dil mein sare jahan ka gham

waqt ka jalta ubalta sahra hum ne jis dam par kiya

jagti galiyon unche gharon mein zard andhera nachta hai

jis lamhe se hum Darte the us ne aaKHir war kiya

sham ki ThanDi aahon mein bhi teri KHushbu shamil thi

raat gae tak peDon ne bhi tera zikr-azkar kiya