azal se ta-ba-abad ek hi kahani hai
azal se tā-ba-abad ek hī kahānī hai
isī se ham ko na.ī dāstāñ banānī hai
ujaḌ to saktā hai lekin badal nahīñ saktā
vo haq-shanās jo ik ahd kī nishānī hai
ḳhirad kī bāteñ kahāñ tak karoge dīvāno
ḳhirad ke naam pe kuchh ḳhaak bhī uḌānī hai
tumhāre rañg-e-jafā ko bhī hai qayām kahīñ
hamāre ishq kī manzil to kāmrānī hai
faqat samajhne ke andāz haiñ qadīm o jadīd
fasāna-go ke to lab par vahī kahānī hai
hayāt laakh ho faanī magar ye sun rakhiye
hayāt se jo hai maqsūd ġhair-fānī hai
sunī-sunā.ī pe tarjīh laakh baar us ko
kitāb-e-dil kī 'razā' baat āsmānī hai
azal se ta-ba-abad ek hi kahani hai
isi se hum ko nai dastan banani hai
ujaD to sakta hai lekin badal nahin sakta
wo haq-shanas jo ek ahd ki nishani hai
KHirad ki baaten kahan tak karoge diwano
KHirad ke nam pe kuchh KHak bhi uDani hai
tumhaare rang-e-jafa ko bhi hai qayam kahin
hamare ishq ki manzil to kaamrani hai
faqat samajhne ke andaz hain qadim o jadid
fasana-go ke to lab par wahi kahani hai
hayat lakh ho fani magar ye sun rakhiye
hayat se jo hai maqsud ghair-fani hai
suni-sunai pe tarjih lakh bar us ko
kitab-e-dil ki 'raza' baat aasmani hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
