aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ba-rang-e-naghma bikhar jaana chahte hain hum

Wali Aasi

ba-rang-e-naghma bikhar jaana chahte hain hum

Wali Aasi

MORE BYWali Aasi

    ba-rañg-e-naġhmā bikhar jaanā chāhte haiñ ham

    kisī ke dil meñ utar jaanā chāhte haiñ ham

    zamāna aur abhī Thokareñ lagā.e hameñ

    abhī kuchh aur sañvar jaanā chāhte haiñ ham

    usī taraf hameñ jaane se roktā hai koī

    vo ek samt jidhar jaanā chāhte haiñ ham

    vahāñ hamārā koī muntazir nahīñ phir bhī

    hameñ na rok ki ghar jaanā chāhte haiñ ham

    nadī ke paar khaḌā hai koī charāġh liye

    nadī ke paar utar jaanā chāhte haiñ ham

    unheñ bhī jiine ke kuchh tajrabe hue hoñge

    jo kah rahe haiñ ki mar jaanā chāhte haiñ ham

    kuchh is adā se ki koī charāġh bhī na bujhe

    havā tarah guzar jaanā chāhte haiñ ham

    ziyāda umr to hotī nahīñ guloñ magar

    guloñ tarah nikhar jaanā chāhte haiñ ham

    ba-rang-e-naghma bikhar jaana chahte hain hum

    kisi ke dil mein utar jaana chahte hain hum

    zamana aur abhi Thokaren lagae hamein

    abhi kuchh aur sanwar jaana chahte hain hum

    usi taraf hamein jaane se rokta hai koi

    wo ek samt jidhar jaana chahte hain hum

    wahan hamara koi muntazir nahin phir bhi

    hamein na rok ki ghar jaana chahte hain hum

    nadi ke par khaDa hai koi charagh liye

    nadi ke par utar jaana chahte hain hum

    unhen bhi jine ke kuchh tajrabe hue honge

    jo kah rahe hain ki mar jaana chahte hain hum

    kuchh is ada se ki koi charagh bhi na bujhe

    hawa ki tarah guzar jaana chahte hain hum

    ziyaada umr to hoti nahin gulon ki magar

    gulon ki tarah nikhar jaana chahte hain hum

    RECITATIONS

    Nomaan Shauque

    Nomaan Shauque,

    Nomaan Shauque

    ba-rang-e-naghma bikhar jaana chahte hain hum Nomaan Shauque

    Source:

    Mom (Pg. 35)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now