baadban khulne se pahle ka ishaara dekhna
bādbāñ khulne se pahle kā ishāra dekhnā
maiñ samundar dekhtī huuñ tum kināra dekhnā
yuuñ bichhaḌnā bhī bahut āsāñ na thā us se magar
jaate jaate us kā vo muḌ kar dobāra dekhnā
kis shabāhat ko liye aayā hai darvāze pe chāñd
ai shab-e-hijrāñ zarā apnā sitāra dekhnā
kyā qayāmat hai ki jin ke naam par paspā hue
un hī logoñ ko muqābil meñ saf-ārā dekhnā
jab banām-e-dil gavāhī sar kī māñgī jā.egī
ḳhuun meñ Duubā huā parcham hamārā dekhnā
jītne meñ bhī jahāñ jī kā ziyāñ pahle se hai
aisī baazī hārne meñ kyā ḳhasāra dekhnā
aa.ine kī aañkh hī kuchh kam na thī mere liye
jaane ab kyā kyā dikhā.egā tumhārā dekhnā
ek musht-e-ḳhāk aur vo bhī havā kī zad meñ hai
zindagī kī bebasī kā isti.āra dekhnā
baadban khulne se pahle ka ishaara dekhna
main samundar dekhti hun tum kinara dekhna
yun bichhaDna bhi bahut aasan na tha us se magar
jate jate us ka wo muD kar dobara dekhna
kis shabahat ko liye aaya hai darwaze pe chand
ai shab-e-hijran zara apna sitara dekhna
kya qayamat hai ki jin ke nam par paspa hue
un hi logon ko muqabil mein saf-ara dekhna
jab banam-e-dil gawahi sar ki mangi jaegi
KHun mein Duba hua parcham hamara dekhna
jitne mein bhi jahan ji ka ziyan pahle se hai
aisi bazi haarne mein kya KHasara dekhna
aaine ki aankh hi kuchh kam na thi mere liye
jaane ab kya kya dikhaega tumhaara dekhna
ek musht-e-KHak aur wo bhi hawa ki zad mein hai
zindagi ki bebasi ka istiara dekhna
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
