barha ThiThka hun KHud bhi apna saya dekh kar
bārhā ThiThkā huuñ ḳhud bhī apnā saaya dekh kar
log bhī katrā.e kyā kyā mujh ko tanhā dekh kar
mujh ko is kā ġham nahīñ sailāb meñ ghar bah ga.e
muskurāyā huuñ maiñ be-mausam kī barkhā dekh kar
ret kī dīvār meñ shāmil hai ḳhūn-e-zīst bhī
ai havāo soch kar ai mauj-e-dariyā dekh kar
apne hāthoñ apnī āñkheñ band karnī paḌ ga.iiñ
nighat-e-gul ke jilau meñ gard-e-sahrā dekh kar
mere chehre par ḳharāsheñ haiñ lakīreñ haath kī
merī qismat paḌhne vaale merā chehrā dekh kar
barha ThiThka hun KHud bhi apna saya dekh kar
log bhi katrae kya kya mujh ko tanha dekh kar
mujh ko is ka gham nahin sailab mein ghar bah gae
muskuraya hun main be-mausam ki barkha dekh kar
ret ki diwar mein shamil hai KHun-e-zist bhi
ai hawao soch kar ai mauj-e-dariya dekh kar
apne hathon apni aankhen band karni paD gain
nighat-e-gul ke jilau mein gard-e-sahra dekh kar
mere chehre par KHarashen hain lakiren hath ki
meri qismat paDhne wale mera chehra dekh kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
