baat karne ki shab-e-wasl ijazat de do
baat karne kī shab-e-vasl ijāzat de do
mujh ko dam bhar ke liye ġhair kī qismat de do
tum ko ulfat nahīñ mujh se ye kahā thā maiñ ne
hañs ke farmāte haiñ tum apnī mohabbat de do
ham hī chūke sahar-e-vasl manānā hī na thā
ab hai ye hukm ki jaane kī ijāzat de do
muft lete bhī nahīñ pher ke dete bhī nahīñ
yuuñ sahī ḳhair ki dil kī hameñ qīmat de do
kam nahīñ pīr-e-ḳharābāt-nashīñ se 'beḳhud'
mai-kasho to use mai-ḳhāne kī ḳhidmat de do
baat karne ki shab-e-wasl ijazat de do
mujh ko dam bhar ke liye ghair ki qismat de do
tum ko ulfat nahin mujh se ye kaha tha main ne
hans ke farmate hain tum apni mohabbat de do
hum hi chuke sahar-e-wasl manana hi na tha
ab hai ye hukm ki jaane ki ijazat de do
muft lete bhi nahin pher ke dete bhi nahin
yun sahi KHair ki dil ki hamein qimat de do
kam nahin pir-e-KHarabaat-nashin se 'beKHud'
mai-kasho to use mai-KHane ki KHidmat de do
- Book : Intekhab-e-Sukhan(Jild-2) (Pg. 175)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
