baat kuchh humse ban na aai aaj

baat kuchh ham se ban na aa.ī aaj

bol kar ham ne muñh kī khaa.ī aaj

chup par apnī bharam the kyā kyā kuchh

baat bigḌī banī banā.ī aaj

shikva karne kī ḳhū na thī apnī

par tabī.at hī kuchh bhar aa.ī aaj

bazm saaqī ne dī ulaT saarī

ḳhuub bhar bhar ke ḳhum luñDhā.ī aaj

ma.asiyat par hai der se yā rab

nafs aur shara meñ laḌā.ī aaj

ġhālib aatā hai nafs-e-dūñ yā shar.a

dekhnī hai tirī ḳhudā.ī aaj

chor hai dil meñ kuchh na kuchh yaaro

niind phir raat bhar na aa.ī aaj

zad se ulfat kī bach ke chalnā thā

muft 'hālī' ne choT khaa.ī aaj

baat kuchh hum se ban na aai aaj

bol kar hum ne munh ki khai aaj

chup par apni bharam the kya kya kuchh

baat bigDi bani banai aaj

shikwa karne ki KHu na thi apni

par tabiat hi kuchh bhar aai aaj

bazm saqi ne di ulaT sari

KHub bhar bhar ke KHum lunDhai aaj

masiyat par hai der se ya rab

nafs aur shara mein laDai aaj

ghaalib aata hai nafs-e-dun ya shara

dekhni hai teri KHudai aaj

chor hai dil mein kuchh na kuchh yaro

nind phir raat bhar na aai aaj

zad se ulfat ki bach ke chalna tha

muft 'haali' ne choT khai aaj