baDi mushkil se chhupaya hai koi dekh na le

baḌī mushkil se chhupāyā hai koī dekh na le

aañkh meñ ashk jo aayā hai koī dekh na le

ye jo mahfil meñ mire naam se maujūd huuñ maiñ

maiñ nahīñ huuñ mirā dhokā hai koī dekh na le

saat pardoñ meñ chhupā kar use rakkhā hai magar

dil ko ab bhī yahī dhaḌkā hai koī dekh na le

Dar rahā huuñ ki sar-e-shām tirī āñkhoñ meñ

maiñ ne jo vaqt guzārā hai koī dekh na le

haath narmī se chhuḌātī huī ḳhalvat ne kahā

ye jo ḳhalvat hai tamāshā hai koī dekh na le

terā merā koī rishta to nahīñ hai lekin

maiñ ne jo ḳhvāb meñ dekhā hai koī dekh na le

saath chalnā hai to ġhairoñ kī tarah saath na chal

shahr kā shahr shanāsā hai koī dekh na le

baDi mushkil se chhupaya hai koi dekh na le

aankh mein ashk jo aaya hai koi dekh na le

ye jo mahfil mein mere nam se maujud hun main

main nahin hun mera dhoka hai koi dekh na le

sat pardon mein chhupa kar use rakkha hai magar

dil ko ab bhi yahi dhaDka hai koi dekh na le

Dar raha hun ki sar-e-sham teri aankhon mein

main ne jo waqt guzara hai koi dekh na le

hath narmi se chhuDati hui KHalwat ne kaha

ye jo KHalwat hai tamasha hai koi dekh na le

tera mera koi rishta to nahin hai lekin

main ne jo KHwab mein dekha hai koi dekh na le

sath chalna hai to ghairon ki tarah sath na chal

shahr ka shahr shanasa hai koi dekh na le