bahta aansu ek jhalak mein kitne rup dikhaega
bahtā aañsū ek jhalak meñ kitne ruup dikhā.egā
aañkh se ho kar gaal bhigo kar miTTī meñ mil jā.egā
bhūlne vāle! vaqt ke aivānoñ meñ kaun Thahartā hai
biitī shaam ke darvāze par kis ko bulāne aa.egā
āñkh-micholī khel rahā hai ik badlī se ik taarā
phir badlī kī yūrish hogī phir taarā chhup jā.egā
añdhiyāre ke ghor-nagar meñ ek kiran ābād huī
kis ko ḳhabar hai pahlā jhoñkā kitne phuul khilā.egā
phir ik lamha aan rukā hai vaqt ke suune sahrā meñ
pal bhar apnī chhab dikhlā kar lamhoñ meñ mil jā.egā
bahta aansu ek jhalak mein kitne rup dikhaega
aankh se ho kar gal bhigo kar miTTi mein mil jaega
bhulne wale! waqt ke aiwanon mein kaun Thaharta hai
biti sham ke darwaze par kis ko bulane aaega
aankh-micholi khel raha hai ek badli se ek tara
phir badli ki yurish hogi phir tara chhup jaega
andhiyare ke ghor-nagar mein ek kiran aabaad hui
kis ko KHabar hai pahla jhonka kitne phul khilaega
phir ek lamha aan ruka hai waqt ke sune sahra mein
pal bhar apni chhab dikhla kar lamhon mein mil jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
