bahut ruk ruk ke chalti hai hawa Khaali makanon mein
bahut ruk ruk ke chaltī hai havā ḳhālī makānoñ meñ
bujhe TukḌe paḌe haiñ sigreToñ ke rākh-dānoñ meñ
dhueñ se āsmāñ kā rañg mailā hotā jaatā hai
hare jañgal badalte jā rahe haiñ kār-ḳhānoñ meñ
bhalī lagtī hai āñkhoñ ko na.e phūloñ kī rañgat bhī
purāne zamzame bhī gūñjte rahte haiñ kānoñ meñ
vahī gulshan hai lekin vaqt kī parvāz to dekho
koī taa.ir nahīñ pichhle baras ke āshiyānoñ meñ
zabānoñ par ulajhte dostoñ ko kaun samjhā.e
mohabbat kī zabāñ mumtāz hai saarī zabānoñ meñ
bahut ruk ruk ke chalti hai hawa KHali makanon mein
bujhe TukDe paDe hain sigreTon ke rakh-danon mein
dhuen se aasman ka rang maila hota jata hai
hare jangal badalte ja rahe hain kar-KHanon mein
bhali lagti hai aankhon ko nae phulon ki rangat bhi
purane zamzame bhi gunjte rahte hain kanon mein
wahi gulshan hai lekin waqt ki parwaz to dekho
koi tair nahin pichhle baras ke aashiyanon mein
zabanon par ulajhte doston ko kaun samjhae
mohabbat ki zaban mumtaz hai sari zabanon mein
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
