banai hai teri taswir maine Darte hue
banā.ī hai tirī tasvīr maiñ ne Darte hue
laraz rahā thā mirā haath rang bharte hue
maiñ inhimāk meñ ye kis maqām tak pahuñchā
tujhe hī bhuul gayā tujh ko yaad karte hue
nizām-e-kun ke sabab intishār hai marbūt
ye kā.enāt simaTtī bhī hai bikharte hue
kahīñ kahīñ to zamīñ āsmāñ se ūñchī hai
ye raaz mujh pe khulā sīḌhiyāñ utarte hue
hameñ ye vaqt Darātā kuchh is tarah bhī hai
Thahar na jaa.e kahīñ hādsa guzarte hue
kuchh e'tibār nahīñ aglī nasl par in ko
vasīyateñ nahīñ karte ye log marte hue
har ek zarb to hotī nahīñ ayaañ 'āsim'
hazār naqsh hue mundamil ubharte hue
banai hai teri taswir main ne Darte hue
laraz raha tha mera hath rang bharte hue
main inhimak mein ye kis maqam tak pahuncha
tujhe hi bhul gaya tujh ko yaad karte hue
nizam-e-kun ke sabab intishaar hai marbut
ye kaenat simaTti bhi hai bikharte hue
kahin kahin to zamin aasman se unchi hai
ye raaz mujh pe khula siDhiyan utarte hue
hamein ye waqt Daraata kuchh is tarah bhi hai
Thahar na jae kahin hadsa guzarte hue
kuchh e'tibar nahin agli nasl par in ko
wasiyaten nahin karte ye log marte hue
har ek zarb to hoti nahin ayan 'asim'
hazar naqsh hue mundamil ubharte hue
- Book : Lafz Mehfooz Kar Liye Jaayen (Pg. 78)
- Author :Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
