bane hain kaam sab uljhan se mere

bane haiñ kaam sab uljhan se mere

yahī atvār haiñ bachpan se mere

havā bhī pūchhne aatī nahīñ ab

vo ḳhushbū kyā ga.ī āñgan se mere

zamīñ hamvār ho kar rah ga.ī hai

uḌī hai dhuul vo dāman se mere

suno is dasht kā ham-zād huuñ maiñ

ye vāqif hai akele-pan se mere

havā-e-be-dilī bhī ḳhuub niklī

ḳhalish tak le uḌī jīvan se mere

bane hain kaam sab uljhan se mere

yahi atwar hain bachpan se mere

hawa bhi puchhne aati nahin ab

wo KHushbu kya gai aangan se mere

zamin hamwar ho kar rah gai hai

uDi hai dhul wo daman se mere

suno is dasht ka ham-zad hun main

ye waqif hai akele-pan se mere

hawa-e-be-dili bhi KHub nikli

KHalish tak le uDi jiwan se mere