barq ne jab bhi aankh kholi hai
barq ne jab bhī aañkh kholī hai
āshiyānoñ ne ḳhaak rolī hai
yaad kā kyā hai aa ga.ī phir se
aañkh kā kyā hai phir se ro lī hai
tum bichhā lo musallā-e-chāhat
maiñ ne dahlīz dil kī dho lī hai
dil kī bātoñ ko dil samajhtā hai
dil kī bolī ajiib bolī hai
parda uThte hī merī nazroñ se
kā.enāt-e-yaqīn Dolī hai
muskurā.e na chāñd kyuuñ 'muftī'
aa.ī jo chāñdnī kī Dolī hai
barq ne jab bhi aankh kholi hai
aashiyanon ne KHak roli hai
yaad ka kya hai aa gai phir se
aankh ka kya hai phir se ro li hai
tum bichha lo musalla-e-chahat
main ne dahliz dil ki dho li hai
dil ki baaton ko dil samajhta hai
dil ki boli ajib boli hai
parda uThte hi meri nazron se
kaenat-e-yaqin Doli hai
muskurae na chand kyun 'mufti'
aai jo chandni ki Doli hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
