bashir badr ki ghazlen suna raha tha main

Mohsin Aftab Kelapuri

bashir badr ki ghazlen suna raha tha main

Mohsin Aftab Kelapuri

MORE BYMohsin Aftab Kelapuri

    bashīr 'badr' ġhazleñ sunā rahā thā maiñ

    kal āsmāñ ko zamīñ par bulā rahā thā maiñ

    guzar rahā thā maiñ jab mai-kade rāhoñ se

    jigar ke haath se dāman bachā rahā thā maiñ

    ye baat sab ko batā.ī thī mirzā ġhālib ne

    bahār ghar meñ thī sahrā uḌā rahā thā maiñ

    tumhārī yaad bhī chupke se aa ke baiTh ga.ī

    ġhazal jo 'mīr' ik gungunā rahā thā maiñ

    udaas shaam nazar aa.ī jaan ke jaisī

    jab intizār meñ tere khaḌā rahā thā maiñ

    vo amritā tarah mujh se ishq kartī thī

    so apne aap ko 'sāhir' batā rahā thā maiñ

    'farāz'-o-'faiz' ke dilkash kalām ko paḌh kar

    mohabbatoñ tarīqa sikhā rahā thā maiñ

    'majāz' kaan meñ mere batā ga.e aa kar

    ki kaise husn ko pāgal banā rahā thā maiñ

    'shakīl' aazmī kahne lage paroñ ko khol

    jo sū-e-asmāñ sar ko uThā rahā thā maiñ

    ye bātoñ bātoñ meñ mujh ko batā ga.e 'tanvīr'

    kal us ke haath kañgan ghumā rahā thā maiñ

    'nidā' ne shahr meñ gaañv basā ke rakhā thā

    so un se milne usī gaañv rahā thā maiñ

    lipaT ke rone lage mujh se shā.ir-e-mashriq

    jab un ko qaum hālat batā rahā thā maiñ

    'zafar' batā.eñge tum ko maiñ batā.ūñgā

    ke mulk chhoḌ ke kis tarah rahā thā maiñ

    ajab ḳhvāb dikhā.ī diyā mujhe 'mohsin'

    kal āftāb mayyat uThā rahā thā maiñ

    bashir 'badr' ki ghazlen suna raha tha main

    kal aasman ko zamin par bula raha tha main

    guzar raha tha main jab mai-kade ki rahon se

    jigar ke hath se daman bacha raha tha main

    ye baat sab ko batai thi mirza ghaalib ne

    bahaar ghar mein thi sahra uDa raha tha main

    tumhaari yaad bhi chupke se aa ke baiTh gai

    ghazal jo 'mir' ki ek gunguna raha tha main

    udas sham nazar aai jaan ke jaisi

    jab intizar mein tere khaDa raha tha main

    wo amrita ki tarah mujh se ishq karti thi

    so apne aap ko 'sahir' bata raha tha main

    'faraaz'-o-'faiz' ke dilkash kalam ko paDh kar

    mohabbaton ka tariqa sikha raha tha main

    'majaz' kan mein mere bata gae aa kar

    ki kaise husn ko pagal bana raha tha main

    'shakil' aazmi kahne lage paron ko khol

    jo su-e-asman sar ko uTha raha tha main

    ye baaton baaton mein mujh ko bata gae 'tanwir'

    kal us ke hath ka kangan ghuma raha tha main

    'nida' ne shahr mein ganw basa ke rakha tha

    so un se milne usi ganw ja raha tha main

    lipaT ke rone lage mujh se shair-e-mashriq

    jab un ko qaum ki haalat bata raha tha main

    'zafar' bataenge tum ko ya main bataunga

    ke mulk chhoD ke kis tarah ja raha tha main

    ajab hi KHwab dikhai diya mujhe 'mohsin'

    kal aaftab ki mayyat uTha raha tha main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now