be-bulae hue jaana mujhe manzur nahin
be-bulā.e hue jaanā mujhe manzūr nahīñ
un kā vo taur nahīñ merā ye dastūr nahīñ
lan-tarānī ke ye ma.anī haiñ bajā hai daavā
dekhe be-parda tujhe koī ye maqdūr nahīñ
vo kahāñ taaj kahāñ taḳht kahāñ maal o manāl
qābil ab bhiik ke bhī kāsa-e-faġhfūr nahīñ
be-ibādat na ḳhudā baḳhshegā sub.hān-allāh
aisī firdaus se ham guzre ki mazdūr nahīñ
maiñ vo mai-kash huuñ na rakkhūñ kabhī bhūle se qadam
koī kah de ye agar ḳhuld meñ añgūr nahīñ
dam-ba-dam uThte haiñ tūfān jo 'barq' ashkoñ ke
nuuh kā vaqt nahīñ aañkh hai tannūr nahīñ
be-bulae hue jaana mujhe manzur nahin
un ka wo taur nahin mera ye dastur nahin
lan-tarani ke ye mani hain baja hai dawa
dekhe be-parda tujhe koi ye maqdur nahin
wo kahan taj kahan taKHt kahan mal o manal
qabil ab bhik ke bhi kasa-e-faghfur nahin
be-ibaadat na KHuda baKHshega subhan-allah
aisi firdaus se hum guzre ki mazdur nahin
main wo mai-kash hun na rakkhun kabhi bhule se qadam
koi kah de ye agar KHuld mein angur nahin
dam-ba-dam uThte hain tufan jo 'barq' ashkon ke
nuh ka waqt nahin aankh hai tannur nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
