kyun ujaD jati hai dil ki mahfil
kyuuñ ujaḌ jaatī hai dil kī mahfil
ye diyā kaun bujhā detā hai
vo nahīñ dekhte sāhil kī taraf
jin ko tūfān sadā detā hai
shor din ko nahīñ sone detā
shab ko sannāTā jagā detā hai
tum to kahte the ki rut kā jaadū
dasht meñ phuul khilā detā hai
us kī marzī hai vo har rāhat meñ
rañj thoḌā sā milā detā hai
dukh to detā hai tirā ġham lekin
dil ko iksīr banā detā hai
tujh se pahle dil-e-betāb mujhe
terī aamad kā patā detā hai
jān-e-man ek hasīñ chehra bhī
saarī mahfil ko sajā detā hai
ab tasallī bhī aziyyat hai mujhe
ab dilāsā bhī rulā detā hai
kyun ujaD jati hai dil ki mahfil
ye diya kaun bujha deta hai
wo nahin dekhte sahil ki taraf
jin ko tufan sada deta hai
shor din ko nahin sone deta
shab ko sannaTa jaga deta hai
tum to kahte the ki rut ka jadu
dasht mein phul khila deta hai
us ki marzi hai wo har rahat mein
ranj thoDa sa mila deta hai
dukh to deta hai tera gham lekin
dil ko iksir bana deta hai
tujh se pahle dil-e-betab mujhe
teri aamad ka pata deta hai
jaan-e-man ek hasin chehra bhi
sari mahfil ko saja deta hai
ab tasalli bhi aziyyat hai mujhe
ab dilasa bhi rula deta hai
- Book : intekhab-e-zarrin (Pg. 312)
- Author : Khvaja Mohammad Zakariya
- Publication : Sangeet publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
