agar ye kah do baghair mere nahin guzara to main tumhaara
agar ye kah do baġhair mere nahīñ guzāra to maiñ tumhārā
yā us pe mabnī koī ta'assur koī ishārā to maiñ tumhārā
ġhurūr-parvar anā kā mālik kuchh is tarah ke haiñ naam mere
magar qasam se jo tum ne ik naam bhī pukārā to maiñ tumhārā
tum apnī shartoñ pe khel khelo maiñ jaise chāhe lagā.ūñ baazī
agar maiñ jiitā to tum ho mere agar maiñ haarā to maiñ tumhārā
tumhārā āshiq tumhārā muḳhlis tumhārā sāthī tumhārā apnā
rahā na in meñ se koī duniyā meñ jab tumhārā to maiñ tumhārā
tumhārā hone ke faisle ko maiñ apnī qismat pe chhoḌtā huuñ
agar muqaddar kā koī TuuTā kabhī sitārā to maiñ tumhārā
ye kis pe ta.avīz kar rahe ho ye kis ko paane ke haiñ vazīfe
tamām chhoḌo bas ek kar lo jo istiḳhāra to maiñ tumhārā
agar ye kah do baghair mere nahin guzara to main tumhaara
ya us pe mabni koi ta'assur koi ishaara to main tumhaara
ghurur-parwar ana ka malik kuchh is tarah ke hain nam mere
magar qasam se jo tum ne ek nam bhi pukara to main tumhaara
tum apni sharton pe khel khelo main jaise chahe lagaun bazi
agar main jita to tum ho mere agar main haara to main tumhaara
tumhaara aashiq tumhaara muKHlis tumhaara sathi tumhaara apna
raha na in mein se koi duniya mein jab tumhaara to main tumhaara
tumhaara hone ke faisle ko main apni qismat pe chhoDta hun
agar muqaddar ka koi TuTa kabhi sitara to main tumhaara
ye kis pe tawiz kar rahe ho ye kis ko pane ke hain wazife
tamam chhoDo bas ek kar lo jo istiKHara to main tumhaara
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
