jo aankhon mein tumhaare KHwab the lauTa raha hun main

jo āñkhoñ meñ tumhāre ḳhvāb the lauTā rahā huuñ maiñ

rihā ho kar tumhāre 'ishq se ab jā rahā huuñ maiñ

mujhe ummīd thī ik roz haañ tum lauT aaoge

vahī ummīd in āñkhoñ meñ ab dafnā rahā huuñ maiñ

mujhe lauTānī hai terī har ik paa.ī mire ai dost

isī ḳhātir tire ehsān sab ginvā rahā huuñ maiñ

tumhāre saath rah kar siikh lī hai bevafā.ī bhī

tumhāre jaisā hī ab yaar bantā jā rahā huuñ maiñ

tumhāre hijr meñ kyā kyā nahīñ karnā paḌā mujh ko

ki aañsū pī rahā huuñ aur ġham ko khā rahā huuñ maiñ

mujhe andar se jaane kitnā tum ne toḌ Daalā hai

tumheñ yuuñ sauñp kar ḳhud ko bahut pachhtā rahā huuñ maiñ

kabhī maiñ bāñTtā phirtā thā sab meñ raushnī apnī

par ab be-nūr kitnā yaar hotā jā rahā huuñ maiñ

jo aankhon mein tumhaare KHwab the lauTa raha hun main

riha ho kar tumhaare 'ishq se ab ja raha hun main

mujhe ummid thi ek roz han tum lauT aaoge

wahi ummid in aankhon mein ab dafna raha hun main

mujhe lauTani hai teri har ek pai mere ai dost

isi KHatir tere ehsan sab ginwa raha hun main

tumhaare sath rah kar sikh li hai bewafai bhi

tumhaare jaisa hi ab yar banta ja raha hun main

tumhaare hijr mein kya kya nahin karna paDa mujh ko

ki aansu pi raha hun aur gham ko kha raha hun main

mujhe andar se jaane kitna tum ne toD Dala hai

tumhein yun saunp kar KHud ko bahut pachhta raha hun main

kabhi main banTta phirta tha sab mein raushni apni

par ab be-nur kitna yar hota ja raha hun main