bil-ehtimam zulm ki tajdid ki gai

bil-ehtimām zulm kī tajdīd kī ga.ī

aur ham ko sabr-o-zabt kī tākīd kī ga.ī

avval to bolne kī ijāzat na thī hameñ

aur ham ne kuchh kahā bhī to tardīd kī ga.ī

anjām-kār baat shikāyāt par rukī

pursish agarche az-rah-e-tamhīd kī ga.ī

tajdīd-e-iltifāt kī tajvīz rad huī

tark-e-ta.alluqāt kī tā.īd kī ga.ī

jiine kā koī ek sahārā to chāhiye

Dar Dar ke kī ga.ī magar ummīd kī ga.ī

ghar ke charāġh aur bhī be-nūr ho ga.e

is darja ḳhātir-e-mah-o-ḳhurshīd kī ga.ī

bil-ehtimam zulm ki tajdid ki gai

aur hum ko sabr-o-zabt ki takid ki gai

awwal to bolne ki ijazat na thi hamein

aur hum ne kuchh kaha bhi to tardid ki gai

anjam-kar baat shikayat par ruki

pursish agarche az-rah-e-tamhid ki gai

tajdid-e-iltifat ki tajwiz rad hui

tark-e-talluqat ki taid ki gai

jine ka koi ek sahaara to chahiye

Dar Dar ke ki gai magar ummid ki gai

ghar ke charagh aur bhi be-nur ho gae

is darja KHatir-e-mah-o-KHurshid ki gai